BAGONG PAKSA SA AKING MGA AKDA

Heto na naman ako

Hawak ang papel at ballpen na may itim na likido

Sumusulat ng tula ngunit hindi na para sayo

Kundi para sa taong nagpasaya habang puso ko'y nagdurugo

Hindi na ito tungkol sayo

Dahil sa wakas nakausad na ako

Nakausad mula sa mga pangakong napako

At nakasakit sa damdamin ng isang ako.

Dumako tayo sa kanya

Sa kanya na ako'y pinasaya

Pinasaya noong ako'y nagdurusa

Nagdurusa noong iniwan niya akong magisa.

Hello sa iyo

Sa iyo na bagong tinitibok nito

Na nagpaniwalang hindi pa katapusan ng mundo

At sayo na pinasaya at pinatawa ako ng todo todo

Salamat sa iyo

Sa iyo na hindi ako iniwan habang nagdurugo

Nagdurugo sa mga sugat na natamo

Na siya naman naghilom dahil sayo