Are you sure you want to report this content?
Illustration by @luciesalgado
Milya-milya ang layo mo sa akin ina
Gabi-gabi umaasa ka sa ating pagkikita
Linggo-linggo kung ikaw ay tumawag
Buwan-buwan kung ikaw ay magpadala
Taon-taon akong naghihintay sa sayo
Umaasang sa susunod na balikbayan box ay ikaw na ang may dala
Dadating ka at yayakap
Ngunit sampung taon na
at di pa rin natutupad
ang pangakong pag-uwi sa ating tahanan
Nakatapos na si bunso sa pag-aaral
Nagkaroon na ng bagong bunso si Tatay
Pero Ma' nasan ka na?
Napuno ako ng kalungkutan
Nagliyab ang galit sa aking puso
Kasi Ma' lagi kang wala
Wala ka sa tatlong entambladong minartsahan ko
sukbit ko ang medalyang para sayo
Pero Ma' wala ka
Dahan-dahang dumalang ang pagtawag mo
Tatlong beses na lang sa anim na buwan
At limang minuto ang bawat tawag
Ma' anong nangyari?
Hindi ka sumagot at binaba ang telepono
Naghintay ako muli ng isang taon
Baka naman makauwi ka na
At heto na nga
May tumawag at nagsabing uuwi ka na
Naghanda ako
Niluto ko ang paborito mong Laing
May kumatok
Oo nga Ma' nakauwi ka na
Nakauwi kang kulay ube na ang balat
Puno ka ng pasa
Buhok mo'y marami ng panot
Uso ba yan sa Saudi Ma'?
Papagupit rin ako para match tayo
Pero Ma' bakit di mo sinabi?
Kung nahihirapan ka na
Dadamayan ka namin
Sana umuwi ka ng mas maaga
Dahil Ma' ang hiling ko sayo
na sana sa huling balik bayan box
Ikaw na sana ang may dala
Pero hindi ko hiniling na ikaw ang laman.
Patawad Ma'.
98 Launches
Part of the Life collection
Published on September 22, 2018
(8)
Characters left :
Category
You can edit published STORIES
Are you sure you want to delete this opinion?
Are you sure you want to delete this reply?
Are you sure you want to report this content?
This content has been reported as inappropriate. Our team will look into it ASAP. Thank You!
By signing up you agree to Launchora's Terms & Policies.
By signing up you agree to Launchora's Terms & Policies.