Sa isang basang kalsada
doon ay unang nasilayan ka
pilit mong tinatawid ang umapaw na tubig
ang iyong paggalaw, tila kinakabig
Malalaking hakbang patawid sa daan
maiingat na pagtapak sa basang lansangan
nais kong lumapit upang ika’y tulungan
ngunit sa kapit ko, ika’y naguluhan
Nahihirapan ako sa aking nakikita
ika’y hirap pa rin at may pagka-balisa
panatilihing tuyo ang iyong mga paa
dahil para sa’yo handa akong mabasa.