CHARACTERS
Sarpanch ka Mukhiya
Amol
Baibho
Rakhu
Shikha
Villagers
Ojha
Behosh Larka
Forensic Lab Assistant
Inspector
SCENE-1:
(Assam ke gaon me sard ki ek shaam. Gaaon ke panchayat ke log aur kuch rayis apas me baithke baat krte hue)
Amol- aur Mukhiya ji, sune uss Madho ki maut hui h?(Mukhiya sar hilate hue haan bolta hai aur hukkah khichta h. use koi parwah ni)To jaaydaat?....waaris to tha nhi…
Mukhiya(khaaste hue)-Uski wo pagal biwi ko kawitaae aur kitabe pdhne se fursat mile tab n…bada saukh ta padhi-likhi larki se byah ka….arre padhi-likhi ardhangi ghar me andhera lati h! buzurgo ki baat mane tab n
Baibho-Uff chacha….ye sab chodo aur kaam ki baat bolo….
Rakhu(Mukhiya ka daayna haath)- Babu, jaaydad to biwi ke naam hi krke mara h….aur koi tha hi kon uska. Aur agar biwi ko kuch ho jaaye to fir wo gaaon ke vikaas k lie mukhiya ko mil jayegi….
Amol- Engineer tha na launda? Sune hain paise acche the
Rakhu(josh mein)- Teen maale ka ghar khada kia tha sirf ek saal mein!! Ghar mein kisi cheez ki kabhi koi kami na thi
Baibho- kya kehte ho chacha. Hadap le?
Amol- Jaat to neecha hi hai….aurat bhi padhi likhi gawar hai aur din-raat ajib kaivitaen barbarati hai bas. Daayan bnaenge to gawwaale asani se maan jaenge. Aur laundi swastha bhi hai…..(Mukhiya hookah khichte hue apni haami bharta hai) bas, hamare hisse ka dhyan rakhna chacha.
SCENE-2:
(gaaw k haat wale ilake mein ek badi si bheed ek behosh bacche, ojha baba aur ek aurat ko ghere khde h. Aurat hai swargiya Madho ki biwi Shikha- jisse log ‘pagal’ bulate h, Kyuki wo aksar kawitaon aur paheliyo mein baat krti thi. Shikha pe daayan hone ka aarop tha. gaaw wale anpadh the aur lrkiyo k padhayi k khilaf the, so ye aarop vishwas mein badalne k lie sbhi utsuk the. Panchayet sabha k log ek taraf baithe the aur bheed mein Amol aur Baibho bhi shaamil the)
Ojha(chillate hue Aur behosh bacche ki or ishara krte hue)- AE DAAYAN! CHOD DE ISS BACCHE KO. Kya mil rha tujhe iss anaath ko satake( an angry commotion in the crowd)
Bheed-“maar daalo isse” “na jaane aur kinne gharo ko ujaaregi”
Shikha(shant chehra aur ankho mein ek sawaal aur dard leke sabko dekhti h aur apne ussi khoyi si awaz mein)- issi tarah kisi bhi kamzor ko daayan bnake kab tak apna kharcha chalaoge Mukhiya.
Rakhu(gusse m)-ARRE TO KYA MUKHIYA KO TU GALAT BOL RAHI H! INNI HIMMAT TERI
Ojha baba(gurrate hue)- wo to abhi dekh lete hain…Agar tere chune matra iss larke ko hosh aa jaye to mtlb tune hi isko apne wash mein kiya tha. Chal ab mukt kar isse(usse larke ki ore dhakelta h aur wo larkharake uspe gir jati hai. Larke ko turant hosh aa jata hai. Wo darri hui aankho se Shikha ko dekhta hai)
Ojha- DEKHA DEKHA TUM SAB NE!! YE LARKA KAISE JAAG GAYA!!
Villagers-“are ye to sach me….” “mujhe to pehle hi pta tha…” etc etc
(Amol aur Baibho apas mein muskurate aur Mukhiya ki ore dekhte. Wo bhi satisfied)
Mukhiya- tujhe kya laga, tu hm sabko dhokha de payegi? Apni sacchai chupake rakh paegi.! Isse pehle jin sabhi ko pakda tha….unki durdasha yaad h ki ni! Fir bhi ye dussahas teri ,ki tu mere gaaon mein jadu-tona kare?Mere rehte hue ye kabhi na ho paayega
Shikha(aankh mein aansu lekin chehre mein himmat liye)- hm aurto ko to inssan kabhi maana hi nhi kisi ne. Hmlog kuch sahasi kre to durga, galat kre to daayan…… yaa fir abala. Pehle aaropo ke angaaro me jala daalo, aur fir apne rakh ko bhi aabad krke dikha de , to devi bana daalo. Arre kb tk- aakhir kab tak tumlog bebasi mein mauke khojte rhoge. Tumhari jaat-paat ke sidiyo mein neechla darja hai islie kuchal rhe ho-arre agar tumahre ghar ki koi larki hoti usse to wardaan btate ghumte na?
Villager1-Ae chudail!! jyada bol mat tu ab! Khatam kr do isse bhi(paththar, laathi, ghusaa-sab tarike se uss bechari pe waar hota hai)
Amol(bheed ko dhakka dete hue aage aata hai)-Bas bas! Ab yahi mat maaro isse….asshuddh kr degi ye iss zameen ko…Rakhu! Isse pehle sare daayan ko jaha maara tha, waha le jake khatam kr de.
Baibho(uss bacche ko alag bulake)-accha kia be! Ye le paise….hero bnega tu filim ka.
SCENE-3:
Forensic Lab assistant-Reports ke mutabik jo bodies aapne baramad kie hai officer, sabhi k kidney gayab hai….maarne s phle nikal liya hoga. Organs-trafficking ka bada racket pakda hai aapne(police inspector ko chup-chap dekhte hue)kya baat hai sir?
Ispector- jis ladki ne himmat dikhate hue inhe pakadwaya wo gayab hai. Aur gawwalo ke mutabik use maara jaa chukka tha bahut phle hi, jis waqt wo hmare paas aayi.
Assistant- what!
Inspector-hmmm…..wo achank buri tarah ghayal, uss andheri raat ko thane mein aayi, aur kaha ki uske gaon ke sarpanch ke kuch log waha ke gundo ke sath milkar peechde jaat ke widhwao ko daayan bnake maar dete. Fir uski property, jameen aur jaisa ki aapne dekha…kidney bhi-hadap lete. Kaha ki saari victims ki laashein mukhiya ke khufiya kothri mein hai.Humne turant Usse jeep ke peeche daala, aur whi humein rasta dikhate hue mukhiya ke ghar tak le aayi…but shockingly, jab main aur mere log jeep se utre to wo larki humein nahi dikhi….na jeep mein na bahar kahi!
Assistant(shocked)-IMPOSSIBLE
Inspector-tum mano na mano….par main sach keh raha hu.
Assistant-fir kya?
Inspector-fir hum, anyways, ghar ki talashi lete hue uss kothri tak pahuche. And we procured the bodies,jo kafi buri halat me thi-jaisa ki tum dekh hi chuke ho. Mukhiya to sab dekhke shock me tha… aur apne mein hi barbaraaye jaa rha tha “ye sab to dafan the. Yaha kaise aayi? Yaha to bas Shikha ki laash padhi thi….” Shikha wo larki thi jisne humein waha pahuchaya…… Sahi mein lag rha tha ki wo bodies dafan thi, 6 sayad, aur kisi ne unhe zameen ke andar se khichke nikala tha wapas. Gaonwalo ko dhamkane par unhone unn sabhi ke naam btaye jo iss zaalim harkat ka hissa the….aur unn gundo ne ye Kabul kia…ki wo larki Shikha….usse wo log maar chuke the(gehri saans chodta hai)
Assistant- mujhe to kuch samajh nhi aa rha
Inspector-humein bhi nahi. 2 din ho gye,wo larki hmare hath nhi lagi hai. Na wo- na uski body. Uski himmat ko manna pdega lekin, ki usne inn haiwanoo ko pakdwaya aur unn anpadh gaon waasiyo ko inse bachaya-
Assistant- par wo gayab kaha ho gyi? Aur ussi ne akele unn sabhi laasho ko nikala?
Inspector(sar hilate hue)-“There are many things in heaven and on earth Horatio…” jeep mein uski kuch akhri baatein yaad aa gyi
Ek aur awaz shant ho gyi
Par uski khamoshiyo ke gunj se hi
Kohram macha,kohra kata
Deep jala andher ke mandir me bhi