Ika-Labinsyam ng Abril

Sa hindi inaasahang pagkakataon,
mga puso nati'y biglang nagsalita
Mga emosyon at lihim na matagal nang tinatago,
sila'y biglang nakawala
Nasagot ang mga tanong,
mga salitang matagal nang nasa isipan,
biglang nakatakas sa rehas ng walang kasiguraduhan,
at walang patutunguhan
Ano nga ba tayo?
Sa wakas ay nasagot mo na rin ang katanungan ko,
Nakakatuwang isipin, medyo matagal na pala
Na pareho ang ating nadarama
Hindi ko alam kung bakit, ano, kailan mo ako nagustuhan,
Walang kakaiba sa akin,
Hindi ako maganda,
Ako'y maingay at nakakairita
Hindi ko alam kung hanggang kailan,
Hanggang kailan mo ba ako magugustuhan?
Sana'y pagkatapos ng aminan ay walang magbago,
ang pagkakaibigan at ang damdaming itinago
Kung hindi mo na ako gusto,
Kung mawawala man iyang nararamdaman mo,
Kung ang pagkagusto mo sa akin ay maglalaho,
Sana nama'y sabihin mo
Ituring mo ako bilang isang kaibigan, kapatid at kakampi
Hindi ko alam kung saan tayo patutungo
At kung may patutunguhan ba talaga,
Ang Poong Maykapal na ang bahala