Mali KaKoSiTa

Maraming matang mapag-masid,

Nakamatyag sa iyong gagawiin.

Naghihintay na ikaw ay may gawing mali.

Maraming tengang naka-aligid,

Naka-abang sa iyong sasabihin,

Naghihintay na ikaw ay may sabihing mali.

Maraming dila na ikaw ang bukam-bibig,

Namimilipit sa kanilang usapin,

Nag-uusap na ikaw ay may mali.

Maraming isip na mapang-usig,

Nanghuhusga kung ikaw ay kilatisin,

Nanghahamak sa iyong kaunting mali.

Maraming kamay na mapag-malinis,

Naghuhugas sa ating paningin,

Nanlilinlang na tila wala siyang mali.

Maraming tao na asta ay tila walang bahid dungis,

Ni hindi marunong tumingin sa sariling salamin,

Nakakalimot na sila rin ay nagkakamali.