Naam (Part -4)

Aditya

Voh rukki nhi, bus chalti gayi dheere dheere, or har kadam ke saath samay itna jaldi nhi beeta kabhi. Mere andar ki awaz chhek rhi thi...lekin ottho pe hi reh gayi. Voh hi rok leti mujhe? Mai nhi rokta. Log kehtey hai, love means to let go. Agar kisi ko pyaar kartey hai tho  uski khushi meh khush rah ke jaane dene ki bhi naubat aaye tho jaane dena chahiye. Yeh batey aksar kitabo meh padhi thi, padhtey samay asan lagi thi. Abhi aisa lag raha tha uske har kadam ke sath mere dil ki dhadkan kum si ho rhi hai, mera naam apni hateli pe liye jaari hai. Voh mujhe akhiri samay tak dekhti rahi. Mai bhi dekhta raha jab tak voh ekdum nazar se gayab na hui.

      Dard shayad uski taraf bhi kuch kum na hoga. Uska chehra, khaali sa lag raha tha. Meri khushi jaa rahi thi,or uski bhi...

Mai pahucha. Ek baar ke liye tho bina soche call kar daali, pahuchi kya voh? Phir yaad sa aaya or phone ki ring jaane se pehle kaat diya. Kitni baar usko likhna chaha, har baar aadhe line tak pahuchtey pahuchtey mera mann badal jaata. Vakht beeta, kuch dost ban gaye..

Shekhar mera roommate tha. Usne do din tak mujhe dekha or teesre din bus ek sawal kiya. “Ladki ka mamla hai?” Maine gardan hilai.  Usne phir kuch nhi pucha seedha, hath pakda or apne saath le gaya, hum ghume. Na voh kuch bola na mai. Phir shayad kabhi chup rahne ki zarurat na padhi.Hum aksar, sham ko bina kissi matlab ke ghumne nikal jaatey.Khushi hoti tho bahut hassti mere pe. Jaha mai ek samay bina matlab ke ghar se nikalta nhi tha bina matlab ke ghumna pasand nhi karta tha,or voh mujhe zabardasti kheech ke le jaya karti thi, aaj mai khud hi aise karne laga hu,

Mai shayad badalne laga hu.