Paano?

Nakaupo sa isang sulok

Tanging kasama'y mga lamok

Diwa'y lutang, 'di makapag-isip ng matino

Ngayong wala ka na, pangarap natin paano magkakatotoo?

Ala-ala ng kahapo'y kaysarap alalahanin

Lalo na'ng pangako mong ako'y sa langit dadalhin

Pangako mo ay napako at ako ay nabigo

Iniwan ako habang puso'y nagdurugo

Ngayong umalis ka na, bukas ay paano na?

Paglisan mo'y naging sanhi ng bagyo

Bagyong nagdala ng sakuna at gulo

Mukang ako'y lalakad nalang mag-isa

Paano na? Yan din ang tanong sa sarili ko

Nang ikaw ay mawala, parang batang nawalan ng kalaro

Sana maging masaya ka

Yan lang ang hiling ng pusong binitawan ka na

Salamat sa lahat ng kasiyahang binigay mo

Yun ay sobrang kinatuwa ng puso

Sinaktan mo ma't iniwan

Buong loob ka na nitong binibigyang kalayaan.