Shaboo Dii (Hindi)

"Saari Chhuttiyaan Khelne me mat barbaad kar, thoda sa padh likh bhi le"

"Offo Maa, Maine garmi chhution ka saara homework pehle se hi kar rakha h aur ghar se to kitaabein bhi nahi layein to kya padhu bhala"

"Ja Shaboo Dii k yha chali ja, unse padh lena kuch"

"Par wo to 5th class me h aur mai 4th me , kya padhungi unke books se"

"Are meri bitiya, tu to itni tej h, padh legi tu, chal ja ab"

Bagal wale ghar ka darwaja khulta h

"Shaboo di, kaha ho, kya kar rhi ho"

"Are Bulbul tu kab aayi, khana kha rhi thi mai, baith tu aati hu"

"Are ye kaise kha rhi ho didi...ha ha, haath chaatte hue, tumhari maa ne nhi sikhaya tumko"

Ek chann ka maun hota h

"Maa hoti to sikhaati na...."

"Kyaaaa..... Hai to tumhari maa, kya baat kr rhi"

"Ye Rosra Wali meri maa nhi h, bas chhotu, golu ki maa h"

"Meri maa ko dekhogi Bulbul"

Fataak se haath dhokar, lohe ke almari se, kapdo ke billkul neeche rkhi ek purani par sahej k rakhi tasveer nikalti h

"Ye h meri Maa, aur ye jo inke god me chhoti bachchi h na wo mai hu". "Achchi h na..."

Bulbul daurkar apne maa k paas jati hai

"Shaboo dii ki maa rosra wali nhi h, uski maa mar gyi, unki photo h uske pass"

"Haa beta, mujhe pata h, par Rosra wali bahut achchi hai bilkul apni beti ki trah paalti h shaboo ko, kbhi laga tujhe uski maa nhi h?"

Aur chhoti si bulbul sochti rahi ki agar itna hi pyaar karti h Rosra wali shaboo dii ko to usko dhang se khana kyu nhi sikhaya?