Are you sure you want to report this content?
"Hindi mabubuhay ang pag-ibig kung walang tiwala." Iyan ang payo sa atin ni Kupido.
Kaya siguro.. namatay ang maliwanag na kulay na bumabalot sa ating puso.
Kaya siguro.. naputol ang pulang taling nakakabit sa ating mga pulso.
Kaya siguro.. huminto sa pag-ikot ang ating mundo.
Kasi ang tiwalang ilang taon nating binuo, nilukot mo. Kurot ang dulot nito sa aking puso't pagkatao.
Hindi ko alam na sa simpleng pagsabi niyang gusto ka niya ay madali na lang para sa'yo na sabihin sa akin na ayaw mo na.
Hindi ko alam na sa simpleng paghawak niya sa kamay mo ay madali na lang para sa'yo na bitawan ako.
Hindi ko alam na sa simpleng pag-ngiti niya ay madali na lang para sa'yo na paluhain ako.
Hindi ko alam kung paano niya pinalitan ng matatamis na mga salita ang puwang ko dyan sa puso mo.
Hindi ko alam kung paano niya napantayan ang taas ng pag-ibig ko sa'yo gayong hanggang sa kalawakan ay lagpas ito.
Ang bilis.
Ang sakit ay kasing talim ng tulis ng dulo ng lapis
Na ang sinusulat ay puro ating mga lihis
Kaya ika'y umalis.
Yung tiwala na naging salamin ng ating pag-ibig
Simula nang may tumingin na iba, nabasag bigla
Yung tiwala na naging apoy na nagbibigay lang sa atin ng tamang init
Simula nang may dumagdag na panggatong, biglang lumiyab
Tinupok
Hindi lang yung mga binitawan nating pangako, hindi lang yung mga alaala nating binuo, kundi pati ang mahigpit na tayo.
Yung tiwala na nagkaroon ng papel sa ating mga puso
Simula nang may humawak na iba
Nagusot
Nabasa at walang kahirap-hirap na sa isang iglap ito'y punit na
Sinungkit ko na ang mga bitwin at buwan, para manatili ka
Pinaikot ko na ang walong planeta, para ibalik ka
Nilangoy ko na ang amazon river, para yung pag-ibig mo sa'kin mas lumalim pa
Ang pinagbago? Wala
Napapagod na 'ko, sinta
Pero ayoko pang magpahinga.
Kasi patuloy ko pa ring pinanghahawakan ang sabi mong "mahal kita."
Diba ang laki kong tanga?
Kasi patuloy kong pinaniniwala ang aking sarili na tayo pa, kahit alam kong may siya ka na.
Patuloy ko pa ring sinasabi na kaya pa, kahit kitang-kita na ng mga lumuluha kong mata na wala na.
Patuloy ko pa ring kinikimkim na pwede pa, kahit no shit, sherlock wala ng pag-asa.
Yung pagkasira ng tiwala ang nag-tuldok sa pag-ibig nating tapos na.
70 Launches
Part of the Love collection
Published on February 23, 2017
(0)
Characters left :
Category
You can edit published STORIES
Are you sure you want to delete this opinion?
Are you sure you want to delete this reply?
Are you sure you want to report this content?
This content has been reported as inappropriate. Our team will look into it ASAP. Thank You!
By signing up you agree to Launchora's Terms & Policies.
By signing up you agree to Launchora's Terms & Policies.