Napagod nako
Magbilang ng araw kung kelan ka babalik sa piling ko
Maglakad ng paulit ulit sa daang dati'y tinahak natin pareho
Napagod nako
Magdasal na sana'y magmilagro;
Magmilagrong baka namiss mo rin ako
Baka nagsisi ka nung ika'y tumalikod sa ating pangako
kahit manlamang magtanong kung bakit ako sumuko lahat ng ito'y inantay ko,
hiniling ko sa kahit na anong bulalakaw na makita ko.
ngunit
napagod na ako.
hindi na ako yung taong laging maghihintay sayo
hindi na rin ako yung laging magsasabing pag bumalik e tatanggapin ko.
wala na rin yung taong minsan nagmakaawa sayo,
wala na ako. dahil napagod nako.
nandito parin ako ngunit hindi na para sayo
Bubuo ulit ng panibagong pangako kasama ang panibagong tao sa buhay ko
nandito parin ako at makikita mo
makikita mo sa mga mata ko na wala na
ang dating nagpakamartir sayo.
dahil napagod nako, itong huling sulat pasasalamat ang ihahandog ko.
Maraming salamat sa oras at pangakong sinayang mo,
salamat sa pagkakataon at sa taon na itinapon mo.
Maraming salamat, magpapahinga na ako.