Ako Lang

Kung ako'y maglalakbay

ang usad ay mabagal

Biglang mauunahan

sya'y hindi na susundan

Ngunit kung maglalakbay

may usad na mabagal

Di pa rin malagpasan

magpatuloy sa daan

Di pwedeng mahigitan

nais ay mangibabaw

Mali man kung pakinggan

ang gusto ko'y ako lang.

Kung magiging bituin

na labis ang pagningning

At ito'y aagawin

di na muling titingin

Ngunit kung may dumating

na di kapansin-pansin

Ako ay magniningning

at sila'y sisilawin

Di pwedeng mahigitan

nais ay mangibabaw

Mali man kung pakinggan

ang gusto ko'y ako lang.

Kung ako'y malamangan

di na lamang lalaban

Kung sila'y maangatan

patuloy na lulutang

Di pwedeng mahigitan

nais ay mangibabaw

Mali man kung pakinggan

ang gusto ko'y ako lang.