Dumating ka sa buhay ko na hindi ko inaasahan
Minahal mo ako ngunit hindi ko nasuklian
Tingin ko na alam mo rin kung ano ang dahilan
Patawad lang talaga
Hindi ko nagawang ipaglaban ka
At ngayo'y nanghihinayang na
Sadyang nangungulila na sa iyo sinta
Pilitin ko man na kalimutan ka
Aaminin ko na hindi ko kaya
Dahil totoong mahal na kita
Sa tagal ng panahon na wala ng pagkikita
Laman ng puso mo ay ako pa rin ba?
Pero kung hindi man, puso mo'y hindi ko masisisi
Dahil ipinagdamot ko sa iyo ang pag-ibig mong minimithi
Pero ngayo'y naaalala ka
Sadyang lumuluha aking mga mata
Nananabik na makausap ka
Parang ang puso ko ay nangangamba
Baka ikaw ay may iba nang sinisinta
Sa kabila ng isang pagkakamaling nagawa ko
Naisip mo pa rin ba na bumalik sa buhay ko?
Sana'y oo. Dahil handa na akong ibigay ang pagmamahal na nararapat lamang sayo
At ngayo'y ako'y namulat na
Sa katotohanang ikaw ay mahalaga pala
Sana'y pagbigyan na ng tadhana
Ang hiling na pagtagpuin na ulit tayong dalawa
Dahil ako'y namulat na