Akala ko hindi magiging makabuluhan ng pagbasa ko.
Sa balat ng aklat nakita ko ang malungkot na guhit nito.
Pero hindi ako yung nauumay na lamang bigla
Kaya't itutuloy ko na ang pagbasa
Sinimulan ko na sa umpisa kung saan dapat magsimula
Nagsimula ang kwento sa ating pagkakakilala
Biglang gumuhit ngiti sa aking mga labi
Hindi ko alam na ito pala ay nangyari
Sa pagkakakilanlan nating dalawa
Puso ko ay bigla na lamang sumigla
Hindi ko na alam ano itong nadarama
Tila ba ngayon ko lamang naramdaman
Ang kasayahang matagal ng inaasam
Kung ano ang lungkot ng guhit sa pabalat
O kahit man sa kanyang pamagat
Ang saya naman ay nasa mga pahina ng aklat
Ang sayang basahin ng mga nilalaman nito
Naroon ang alaala ng ikaw at ako
Ang mga masasayang alaala
Unti-unting nabubuo sa pagitnang pahina
Naroon ang mga binitawang salita
Nakasulat sa aklat ng patalata
Ang sarap naman nitong basahin
Mga salita't pangako ay makapintig damdamin
Na sa akin ay walang pagsisinungaling
Pero bakit numinipis na
Mga pahina ay nauubos na
Ang aklat na ito'y matatapos ko na
Ang bilis naman pala
Natatakot ako na itutuloy ko pa
Pagbabasa sa mga pahina
Hindi ko kasi alam kung masakit ba o masaya
Pero lalakasan ko na ang loob ko
Handa akong tapusin ito hanggang dulo
Kahit tumutulo na ang mga luha ko
Sumisikip na ang damdamin ko
At binabasa ko nga ang mga pahuling nilalaman
Lahat ng ating mga pinagdaanan
Nabasa ko kung paano tayong dalawa lumaban
Kung paano tayo ay nagtulungan
Sa mga problema nating pinagdadaanan
Akala ko magtatagal ang ating pagsasama
Pero iilan na lamang ang mga pahina
At sa mga huli kong pagbasa
Nabasa ko na unti-unti ka ng sumusuko
Kahit pala anong paglaban ko sa ating relasyon
Aabot pala talaga ito hanggang sa dulo
Sa dulo kung saan matatapos ang lahat ng ito
Matatapos ang lahat ng pinaghirapang basahin
Matatapos sa mga hindi inaasahang pangyayari
Kung saan ang guhit sa pabalat na talaga ang nagsasabi
Na ang lungkot sa huli ay hindi maipapasantabi
Dahil pagdating ko sa huli
Naroon ang pagbitaw mo sa hawak nating tali
Lahat ng pangako ay nabali
Natapos ko ito na puno ng luha't pighati.