Narito sa isang sulok
Nakayuko't nagtatago
Sinisilip ang bandang roon
Hinahanap ang ikinakatakot
Ano ang humablot
Sa paninging nanlalabo
Hindi maituon, 'di matunton
Nang biglang may kumislot
Sa dilim na bumabalot
At doon nag-umpisa ang pangingilabot
Pilit minulat ngunit 'di maaninag
Pilit sinuri waring tangang sumisilip
Dagling kalabog pagkaraang saglit
Dagling kilabot ang naglaong sinapit
Ano itong himig
Tila sumisigaw na huni
Intindihin mang mabuti
Ay samasabat ang hangin
At nang muli itong dinggin
Ang paligid ay nanatiling tahimik
Nahihilo't nalilito
Pumipintig ang puso
Bumibilis at lumalalo
Damdami'y bumubugso
Sumulyap sa salaming kay laki
Sinindak ng imaheng kay lagim
Sinubok sa sintindo ng lintik
Sinundo ng isip tungong libing
Tumayo't tumakbo
Pasulong sa pinto
Mga luha ay tumulo
Bukas-matang sinalubong
Ang liwanag sa kabilang mundo
Humihingal
Humihinga
Namamawis
Namamaos
Humilata
Huminahon
Namihasa
Namahinga