Wala na yung dating tayo
Ikaw at ako na pinapangarap ko
Ako na lagi mong kausap, kasama at kaibigan
Ako na laging nandyan para lang ikaw samahan sa iyong kalungkutan
Kalungkutan na iyong nararamdaman
Sa tuwing kayo'y may tampuhan at minsan ay di nagkakaunawaan
Nawala ang ating pinagsamahan ng muli syang dumating
Dumating at inilayo ka sa akin
Wala naman akong karapatan para ika'y pagbawalan
Sapagkat ako'y kaibigan lang na iyong nasasandalan sa tuwing ika'y nasa matinding kalungkutan
Kalungkutan na agad napapawi kapag sya'y nakangiti
Nakangiti dahil sa iyong mga sinasabi
Sinasabi na ngayon ko lang narinig mula sayo
Na sya'y iyong gusto mula pa noong magkakilala kayo
Tila ako'y natauhan dahil sa mga sinabi mo
Wala naman akong karapatang masaktan dahil kaibigan mo lamang ako
Kaibigan na handa sayong umalalay sa tuwing ika'y nalulumbay
Makikinig sayong kwento kahit ako'y parang tanga ng naghihintay
Naghihintay na tumigil ka dahil iisa lamang ang iyong sinasabi
Kung gaano mo sya kamahal at ika'y nagsisisi
Nagsisisi na sana'y hinabaan mo pa ang iyong pasensya
Para meron ka paring panghahawakan kahit kayo'y magkalayo na
Lumipas ang ilang taon at nanatili syang naroon
Sa iyong puso na ngalan nya'y nakabaon
Nakaukit na para bang isang tuyong sugat
Sugat na kailanman di na mabubura sapagkat iyong inaaruga
Sugat na uukit sa puso mo kailanman
Kaya ngayon sya parin ang iyong mahal
Wala na yung dating tayo kasi kayo na naman
Kayo na naman ang bida sa istoryang aking aabangan
Aabangan ang dulo para ika'y matututo
Na kahit magpakatanga ka sa kanya sya parin ay lalayo kung sya'y talagang di para sayo.
Wala na yung dating tayo kasi kayo na ulit
Wala na yung kaibigan na iyong pinipilit
Pinipilit pakinggan ang mga kwento mong paulit ulit
Na kahit ang marindi ay di nya masabi-sabi
Para lang ika'y pakinggan at samahan
Samahan sa magdamag hanggang sa ika'y mapagod na
Mapagod na alalahanin ang inyong nakaraan at muling magpatuloy
Wala na yung dating tayo kasi nawala na ang inyong tampuhan
Kayo na ulit at nagmamahalan
Nagmamahalan na may halong kalokohan at isang napakalaking kasinungalingan.
Ngunit ako'y di na eeksena sapagkat
Walang ikaw at mula pa nung umpisa
Dahil hanggang sa huli kayo parin ang magkasama.
.
.
End