Naa koy i-share nga horror story.
Promise. Hadlok kaayo ni.
Andam na mo maminaw?
Sige, sugdan na nako. Bow.
Nakita nako siya ug nag-abot among mga mata.
Hoy, hadlok baya ni ha.
Murag nag slow-mo man gud atong time-ma.
Promise, wa pa ko naka suway ug ngadto sauna.
Asa'y hadlok ato? Reklamo ninyo na noh?
Hadlok gud to kay basin siya, ungo.
Wa man unta nagpula iyang mga mata,
Pero wa na gyud siya na wa sa akong hunahuna.
Hadlok lagi ni. Relax lang mo.
Hadlok kay nagpangita na man gud ko.
Wa pa gani ko katilaw niya ha,
Pero sige nako'g handum sa iyang presensya.
Hadlok kaayo kay di na man hinuon kumpleto akong adlaw,
Kung di nako siya makita usa ko mo saka sa babaw.
Nagkinahanglan na akong lawas anang vitamin C.
Vitamin Siya.
Samot pa kong nahadlok kay di gyud nako mapugngan,
Akong gibati nga labaw pas mag kuan.
Nagawsan gyud ko.
Nagawsan ko'g mga pulong ug tula nga wa diri wa didto.
Ug sa akong kabuang niya,
Gipadad-an nako siyag usa.
Usa ka simple pero kinasing kasing nga tula.
Ambot lang kaha'g gibasa ba to niya o wala.
Nabalik nasad akong kahadlok ato.
Basin ba'g pangitaon niya ang sender nga bugo.
Brayt sa skwela pero bugo pag-abot sa gugma.
Hawd kaayo mo solve ug Math problems pero di ka solve sa Love problems.
Pero nagkatawa nalang ko kadugayan kay feeling ra kaayo ko.
Wa gyud ko niya pangitaa. Letse siya.
Kulbaan pa ko unya wa ra diay to niya.
Wow ha. Bisag salamat, wa gyud ka.
Pero dili ra didto taman ang tanan.
Baga baya ko'g nawng ug agtang.
Basta gusto naa baya gyuy paraan.
Mura kog detective nga nagpangutana unsa iyang pangan.
Pagkabalo nako, nang stalk dayon ko.
Sa Facebook, Twitter, ug Instagram jud to.
Pareha gud ninyo, nang save pud kog photos.
Gitan-aw tanang naka public nga status.
Unya ang kanahan, di ma add sa Facebook!
Wow, famous! Hantod follow ra ang tambok.
Animal. Bisag pagka friends sa social media,
Di gyud siya manghatag ug tsansa.
Di ko taga BDO pero I'll find ways gyud.
Gi add nako siya sa Messenger jud.
Hunahuna nako ato, hadlok basin dedma ra siya.
Hadlok kay basin bisag unsaon, balewala ra ko niya.
Ug sa dihang ni bagting kay naay notification!
Iyang pangan ang nigawas, yati kaykog reaction.
Dugay kaayo nako gitan-aw kay kulba kaayo
Basin ba'g iyang gi send kay "Who you?"
Sa dihang naka recover nako sa akong kakurat,
Nakita nako ang iyang gisend sa chat.
Shet. Iro nga cute kaayo, unya nag wave wave ang kamot.
Iyang nawng gyud akong na imagine maong gi ganahan kog samot.
Mao to, nagsugod na ang among pag chat chat.
Perti gyud nakong kiliga ug lipaya, murag aryat.
Wa ko nagdahum nga tarongon ko niya'g reply.
Kay kinsa ra man gud ko nga babay?
Lapas langit akong kalipay ug pasalamat sa Ginoo
Abi ko'g kaning tanan nga nahitabo kay taman ra sa damgo.
Natinuod na akong mga gipang imagine,
Well, except atong mga SPG nga scene.
Mura kog gibayaw sa langit pirmi.
Unsa na kaha'g mag churva na mi?
I mean, kanang magkita mi ba.
Hugawan sad kag hunahuna sah.
Pero sa akong paghinuktok kung dugay siya moreply,
Naka amgo ko nga mali tingali akong pag suway
Pag suway ug pag himo'g paagi aron masugdan among love story
Kung wa nako siya unhi, hangin ra gyud ko ani.
Hangin ra ko nga naa pirmi pero di niya makita.
Hangin nga kung kusog na kaayo ang gibati para niya,
Diha pa maramdaman pero mawala ra sad dayon
Kay magsuot man siyag jacket nga di ko padayonon.
Hadloka ani oy.
Basin ba'g taman rajud ni sa pangandoy.
Napansin lage ko niya pero igo ra palabyon
Di siguro ko niya pa hunongon ug higugmaon.
Basin ang una namong simba karong Dominggo,
Di na masundan ug kaduha kay taman rako uno
Hadlok kay basin ako mahulog na
Unya siya kay nagtan-aw ra, wa ko saw-a.
Ma, nahadlok ko.
Bisan pag nagpasalamat ko kay daghan kog tula nahimo,
Mas gusto nako nga labaw pa ana kong mahatag.
Kanang butang nga di siya ang naka una pero siya'y last.
Pa, nahadlok ko.
Gusto nako ihatag akong buak.
Buak nga kasing kasing tungod sa mga buang,
Pero buo inag hatag sa iya kay akong gipaningkamotan
Dong, nahadlok ko.
Basin iyaha rakong gisakyan sa akong kabuang sa iya
Ug di gyud ko makasakay sa kinabuhi niya.
Taman ra siguro ko sakay sa... alam mo na.
Day, nahadlok ko.
Kay basin mapuno na akong buhok ug uban,
Ang akong mga gipangsuwat kay naa gihapon iyang pangan.
Basin iyang gugma di gyud nako matilawan.
Gatas, nahadlok ko aning horror story nato.
Ikaw ang bida, ako diay ang ungo.
Wisikan ra tingali ko nimo anang holy water sa climax
Dili anang lami gikan sa imong heart nga wa koy lakas.