Jo kabhi humari thi aaj unka achanak se humko ek khat aaya,
Khat me humne aaj bhi unki khusboo ka ehsaas paaya,
Khat mai likha tha ki 'raste ab alag honge kal se him kissi aur ke honge'
Hume ek baat to samjho yeh khat unhone hume kyon bheja koi yeh to batlao?
Khat me likha tha ' bhool Jana wo waaden wo raaten wo barsaaten wo din wo pal wo raat raat bhar ki baaten wo haseen mulakaate, ab inka koi mol nahi ab humari tumhari raahe ek nahi.'
Priyatam ek saawal hai jo iss tarah jeene nahi dega, yeh dard jo seene mai hai wo chain lene nahi dega! Yeh batao priyatam yeh khat tumne hume kyon likha? Chod to bahut pehle diya tha tumne fir humare ishq ka janaza aaj kyon nikla?
Khat mai likha tha ' hum jante hai tumhare kai sawal honge, unn sawalo ke kai jawab bhi honge, par ab unn sawalo ke jawab tumhe hum de nahi sakte! Ab naya pata hoga hmara jaha hum tumhare khat choo bhi nahi sakte!'
Kitni aasani se keh diya tumne yeh priyatam ki ab rahe ek nahi, hum ek nahi, par chalo tumne kaha hai to yeh bhi maan lete hai, yeh sitam bhi hum khushi khushi seh lete hai! Bass ek baar keh do ki tum bhool chuki ho Hume! Apni dua se barkaast kar chuki ho hume!
Khat mai likha tha ' Dua mai to aaj bhi tum ho aur shayad humari saanso mai bhi, pata nahi. Humari zindagi mai bhi shayad tum hi ho, pata nahi! Ab humara tmhara saath mumkin nahi, pata nahi! Ab aur lafz nahi hai bass zasbaat hai, pata nahi!'
Priyatam tumhe sab pata hai aur Hume bhi, tum humari ho yeh bhi. Par chalo tum kehti ho to Jane dete hai, yeh dard bhi hum aaj seh lete hai, par agar khush na ho waha to laut aana, bass apni rooh se humari rooh ko ek pukar lagana. Hum dua karenge wo din kabhi na aaye, tum khush raho aabad raho chaheyen humari raho ya na raho... Hum tumhare hi rahenge sada aur tumhe hi chahenge sada.....
Khat mai likha tha ' Alvida, mulakaat mumkin Hui to jannat mai hogi, shayad waha mai sirf tumhari hi hongi.'
Alivda-e-Zindagi