Ladki

Kyo barabar hote hue bhi,

Mai iss samaj se darti hoon,

Haan mai ek ladki hoon,

Koi cherd de to kuch kehne se pehle bahut sochti hoon,

Ki kahi apne ahem mai aake woh waar na karde,

Agar usne waar kiya to kya hoga mera hatiyaar,

Aur agar usne mujhe maar diya to kya hoga mera insaaf?

Haan mai iss samaj se darti hoon,

Kyonki mai ek ladki hoon,

Kadam kadam pe chunati hai,

Uss se darr nahi lagta par chunati paar karke jo nahi chunati hai (samaj),

Uss se mai ghabrati hoon,

Han mai iss duniya se darti hoon,

Kyonki mai ek ladki hoon,

Har mord ki kausati pe mujhe hi kyon khara utarna hai?

Humesha nazre neeche rakhke mujhe hi kyon chalna hai?

Mere kapdo se leker mera hum jeevan tak kyon tumko chunna hai?

Raat bhar mai bahar rahu to isko kyon charcha mai tumko laana hai?

Kyon mujhe bachane ke chakkar mai mujhe maar rahe ho?

Kyon meri pragati se jude har sawal tum taal rahe ho?

Kyon barabar hote hue bhi,

Mai iss samaj se darti hoon,

Kya kasoor hai mera agar mai ek ladki hoon?