Sa cream na kay puti’t makinis, tulad ng kutis mong walang daplis
Dinagdagan pa ng holidays na napaka-tamis, gaya ng ngiti mong kanais-nais
Isama mo na ang macaroni,
Dahil ikaw naman aking one and only.
Paano ka naman makakagawa ng isang macaroni salad
Kung palagi kang may lakad
Kailangan mo munang matutong magluto
Upang wala ka ng iba pang mauto tulad kong matagal mo nang nauto
Una, kailangan mo munang pakuluan ang macaroni
Upang lumambot ito’t dumami
Sapat na upang punan, ang sakit at poot na iyong dinulot
Dahil simula nung akoy nahulog, ni hindi mo nga ako sinalo’t hinablot
Na rumesulta sa pagiging assuming kong hanggang langit ang abot
O baka naman lumampas na sa ozone layer at hindi mo na kaayang maabot
Sunod, ang paglagay ng cream, tulad ng puso kong silent mode ang pag-scream
Dahil sa bawat dream, ikaw ang aking palaging ka-love team
ayaw mo bang maging Daniel padilla sa ating mala-KathNiel na pelikula?
Pelikulang ako lang ang nakakaalam at hanggang panaginip lang pala.
Ikatlo, ilagay mo na ang matatamis na prutas
Gusto ko kasing magkaroon ng lakas
Na labanan ang mga asungot na nasa paligid
Na walang humpay ang pag-aaligid
Ba’t ba kasi napaka-attractive mo?
Na attract mo tuloy ang mga pesteng langaw na nagpapa-pansin sayo.
Sa huling bahagi, kailangan mo na itong palamigin
Upang masarap na itong kainin
Tulad ng feelings kong mahirap man aminin,
Pero kaya ko itong lunukin dahil ayaw ko namang mawala ka sa akin
Dahil sa bawat pagreceive at paghampas mo sa bola
Huwag mo na ring ihampas ang feelings kong ginawa mo na ngang basura, ipapasa mo pa sa iba
Pasalamat ka nga na ginawan kita nito eh,
Masarap na nga, worth it pa.
Sana po ay marami kayong natutunan sa paggawa ng macaroni salad
Ang salad ng mga naghahangad na maging mapalad
Dahil sa pag-ibig, marami man ang mapalad, marami rin naman ang sawimpalad
Pero mas mapalad ang mga sawimpalad, dahil mas napalapit sila sa Diyos at natuto na,
At hindi na nila kailangang mag-aalinlangan pa
Tandaang palaging gamitin ang utak upang hindi luha ang pumatak
Sa puso mong pagod na sa kaiiyak.