Are you sure you want to report this content?
Illustration by @_ximena.arias
Woh roz subah suraj se pehle hi ghar se nikalti,
Shayad andhera hi milta hoga usse ghar wapsi ke samay,
Kai ghar ke chulhe jalati,
Taaki uske ghar bhi chulha jal sake,
Humare ghar wo kuch paune paach ke ass paas aati,
Tab tak meri to aakhn bhi nahi khul paati,
Subah subah jab wo mere kamre ki light jalati,
Aunty band karo ke swar mai main uss par baras jaati,
Woh dheere se bolti didi bass do min,
Aur fata fat se kaam woh niptati,
Ek din baaton baaton mai maine yuhi unse unka naam pooch liya,
Woh aise chuki jaise unhe saap soongh gaya,
Kuch palo ke liye sannata cha gaya,
Mano jaise maine naam nahi kuch raaz pooch liya,
Thodi der baad muskura kar woh boli - "naam, naam nahi hai mera"
Aunty naam nahi hai? Matlab?
Naam nahi to log apko bulate kaise hai?
Naam se to pehchaan hoti hai to apki pehchaan kaise hai?
Woh boli ki jab choti thi to sab "laali laali" keh ke bulate the,
Ek saal baad mai "Ramu ki badi behan ban gayi"
Thoda aur samay beeta to ghar walo ke liye "karamjali" ban gayi,
Fir ek din meri shadi ho gayi,
Mujhe laga ab mujhe naam milega,
Par waha par bhi mai "Govind ki patni banke reh gayi"
Uske ek saal baad Jagdish paida hua to "Jagdish ki Amma ban gayi",
Thoda dhere swar mai boli - "naam ki kabhi zaroorat hi nahi padi"
Yeh bolkar woh kaam mai vyast ho gayi,
Aunty par koi naam to hoga jo apke dil ko bhaye? - maine unse poocha,
Koi naam to hoga jiss se aap chahti hogi ki log apko bulaye?
Woh hass padi aur boli -
Han ek naam to hai,
Main boli - batao na aunty,
Boli jab mai choti thi aur sabko school jate dekhti thi,
To sochti thi ki jab school jaongi apna naam waha pe yahi likhwaongi,
Par yeh sapna bhi sapna hi reh gaya,
School jane ki umar mai to mera byah ho gaya, (bolke zor se hass padi)
Phir boli mujhe gulab bahut pasand hai bachpan se,
To mai chahti thi log mujhe "gulabo" bulaye, (yeh bolte hi woh kahi khayalo mai kho gayi)
Maine bola - Gulabo Aunty naam to bada hi aacha hai apka,
Wo meri taraf dekh ke muskurai aur kamre se chali gayi.
Jaha sabko Azadi hai,
Wahi kuch "Gulabo" ki ladai abhi bhi zaari hai...
69 Launches
Part of the Society collection
Published on April 26, 2019
(7)
Characters left :
Category
You can edit published STORIES
Are you sure you want to delete this opinion?
Are you sure you want to delete this reply?
Are you sure you want to report this content?
This content has been reported as inappropriate. Our team will look into it ASAP. Thank You!
By signing up you agree to Launchora's Terms & Policies.
By signing up you agree to Launchora's Terms & Policies.