Kagaz pe likhu to kagaz kam padd jaye,
Shabdon mai bayan karu to shabdon mai poori na samaye,
Bayan karna bhi chahun to kuch kami reh jaye,
Aise hai mere Mehboob ki dastaan,
Chand sa rang, lambe sunhare kesh aur wo haseen muskurahat jo dekh lo to din ban jaye,
Darr lagta hai kahi choo lu to daag na padd jaye,
Qayamt aa jaye jo ek pal unse nazre chaar ho jaye,
Samay to mano teher hi jaye agar do shabd woh humse baat kar le,
Log kehte hai yeh 'Silsila' kya hai?
Ladki ka naam bhi nahi pata par mohabbat bepunha hai?
Aji ek baat hume yeh batlao,
Mazra kya hai yeh samjhao,
Khuda ki bhi to hum ibadat karte hai,
Mazid mai baith ke namaz padkar dua karte hai,
Waise hi hum ibadat mai ab unhe bhi shamil karte hai,
Ek dua unki khushi ki har roz namaz mai bayan karte hai,
Fark nahi padta ab kisi aur baat ka,
Har baat un pe hi shuru aur unpe hi poorn viram karte hai,
Yeh dil ab humare Mehboob ka gulam hai,
Kabhi na kabhi to Mehboob milega nahi to iss duniya ko humara akhri salam hai,
Jannat mai bhi intizaar ab inka hi hoga,
Yeh khawab dekha hai kya pata shayad poora hoga....
Pata nahi yeh 'Silsila Kya hai' unki ek jhalak kya dekhi humari to duniya hi ab tabha hai.....