Zindagi Ka Safar

Iss zindagi ke safar mai kai mulakaate hoti hai,

Kayi logo se baaten to kai se aankhen chaar hoti hai,

Yeh safar zindagi ka hai hi kuch aisa,

Na chahte hue bhi unchahi mulakaate hoti hai,

Kuch log dil ke khaas ho jaate hai,

Pata nahi kaise unse jasbaat judd jaate hai,

Mulakaat mulakaaton mai badal jaati hai,

Ek baar phir iss dil ki ghanti bajj jaati hai,

Fir kya khawab sajne lagte hai,

Dheere dheere naye jasbaat bunne lagte hai,

Din mai taare dikhne lagte hai,

Aachanak se romantic gane dil mai bajne lagte hai,

Raat raat bhar baatien hoti hai,

Aur good morning bhi unke saath hi hoti hai,

Ab dil kuch jayda hi khush rehta hai,

Kabhi kabhi bina baat sharmata to kabhi kabhi bin baat muskurata hai,

Lagne lagta hai yeh duniya sabse haseen hai,

Aur iski wajah unse ishq aur kuch nahi hai,

Fir achanak se thehrav aata hai,

Phone ki ghanti pe dhyan ab kam jaata hai,

Kabhi wo jawab nahi dete,

To kabhi yeh jawab nahi deti,

Aur kabhi kabhi dono ka ego jung jeet jaata hai,

Bass yahi sab khushiyon mai daraar le aata hai,

Choti choti baaton ko na jaane kyon bada banata hai,

Ab baaten nahi ladaiya hoti hai,

Kuch baaten to dil ko bahut dukhati hai,

Ab wahi zindagi jhenum lagne lagti hai,

Roz wahi jhagde wahi cheekham chilli dil ko khalne lagti hai,

Bass aise hi to pyar mar jaata hai,

Ek baar fir kuch galatfamiyon ke chalte ishq dafnaya jaata hai,

Dil aaj kal udaas hi rehta hai,

Choti choti baaton pe kabhi gussa karta to kabhi rota hai,

Aaj kal couples ko saath dekh ke yeh dil bahut jalta hai,

Hum bhi kabhi yeh soch ke mann hi mann rota hai,

Kuch din yeh sil sila zaari rehta hai,

Arjit Singh ke gaano ka sahara ab yeh dil leta hai,

Party nahi jaata, clubbing nahi karta,

Mobile ko to ab haath bhi nahi lagata,

Fir achanak se ek din sab neutral ho jaata hai,

Yeh dil yuhi udaas mann ser pe nikal jaata hai,

Tehelte tehelte yeh yuhi kisi se takra jaata hai,

Sorry Ji galti meri thi se baaton ka sil sila ek baar fir shuru ho jaata hai,

Ab gaadi ek baar fir se patri pe aati hai,

Wahi kahani ek baar fir dohrati hai,

Aur ek baar zindagi chand Dino ke liye hi sahi fir khushaal ho jaati hai,

To baat bass itni si hai yeh dil akela hone se darta hai,

Ek jaata nahi ki yeh durse ko dhoondta hai,

Iss process ko tum mere dost ishq ka naam mat do,

Ishq u lafzo mai bayan nahi kar sakte to tum ishq ko rehne do,

Jiss din iss dil ko sach mai ishq hoga,

Usi din is dil ka safar poora hoga,

Fikr mat karo sacha ishq sabko nahi hota,

Jo shaam se subah tak badal jaye wo ishq nahi hota,

Jiss din hoga iss dil ko pata hoga,

Usse pata ho na ho tumhari har dharkan mai uska naam hoga...

Tab tak iss dil ka safar jaari rakho,

10 ke saath nahi bass 1 se imandaari rakho...