Apat na segundo na tila ako'y nautal
Hindi mawari kung saan sasandal
Ang pusong naliligaw sa kung saan
Hindi alam kung ano ang patutunguhan
Pinangako ko sa araw na ito
Isinumpa ko sa buwang nakatago
Na ibabaon ko ang kahapong bigo
Lalaya ka't, makakalimot ako
Ngunit bakit mo nga ba pinaglalaruan
Ang puso kong nahihirapan
Damdaming pinipilit kong ibaon sa kasalukuyan
Muli mong binubuhay sa ating nakaraan
Apat na hakbang lang naman sana
Bakit hindi ko parin magawa
Patuloy parin akong umaasa
Sa mapaglinlang mong mga yakap sinta
Nalunod ako sa akala kong tunay na pag-ibig mo
Nalunod ako sa sakit na pinadama mo
Nalunod ako sa katotohanan ko
Na magkaiba sa akin at sa kanya ang mga yakap at pagmamahal mo