Batein karte hai

Chalo aaj sapno ki batein karte hai
Jinse chutha kabhi sath unn apno ki batein karte hai

Jo dekhe hai behisab unn khwabon ki batein karte hai
Hasti muskurati unn yadon ki batein karte hai

Kabhi gumsum kabhi roti unn aankhon ki batein karte hai
Kabhi jhukti kabhi uthti unn palkon ki batein karte hai

Papa ki hatheli, Maa ki thapkiyon ki batein karte hai
Vo dant, vo fatkar uss dular ki batein kartein hai

Jin par hum sath chale unn raston ki batein karte hai
Thoda inkar phir ikrar uss mohabbat ki batein karte hai

Vo kagaz ki naav, uss bachpan ki batein karte hai
Jaawani me ki Hui unn shararaton ki batein karte hai

Ruko... thoda thehar ke batein karte hai
Zindagi ko Zindagi ki tarah jeene ki batein karte hai