VO HAI MERI MAA

Shabdon ko tod madod kar bolna sikha tha Maine..
Unko lafz banaya jisne...vo hai Meri maa

Sahara le kar chalna sikha tha Maine...
Kisi ka Sahara ban-na sikhaya jisne..vo hai Meri maa

Muskurana sikha tha Maine...
Mujhe har dum hasaya jisne...Vo hai Meri maa

Sonu, Alka ke gaane sunna sikha tha Maine...
Mujhe Rafi, Lata se milvaya jisne...Vo hai Meri maa

Darna achi bat nahi ye sikha tha Maine...
Aapne dar se jeetna samjhaya jisne...vo hai Meri maa

Masumiyat aur sharam aurat ka gehna hai...sikha tha Maine...
Mujhe aatmavishwas aur svabhiman se milvaya jisne ...Vo hai Meri maa

Thokar lag kar girte hai...ha ye sikha tha Maine...
Phir himmat ke sath dobara khade hona bataya jisne...Vo hai Meri maa

Mayus hone par rote hai..Sikha tha Maine..
Dusron ke aanshu ponchna sikhaya jisne..Vo hai meri maa

Rishta bnana sikha tha Maine...
Rishton ko nibhana sikhaya jisne... Vo hai Meri maa

Zindagi ko jeena sikha tha Maine...
Zindagi se rubaroo karya jisne...Vo hai Meri maa

Ye duniya buri hai matlabi hai...sikha tha Maine...
Bina kisi Matlab ke mujhe khud se zyada pyar Kiya jisne...vo hai Meri maa

Thakan hai na neend nahi aayegi... Sikha tha Maine
Mere sar ko sehla mujhe sukoon se sulaya jisne.. vo hai Meri maa