BES

Sa pagsapit ng dilim ay binabalot ko na ang aking katawan na nanlalamig, nanlalamig na sa malalagkit na tingin. Bawat sulyap sa binting hubad tila ako'y nanginginig. Sa bawat sitsit ang mga luha'y nangingilid. Natatakot na ako, natatakot na kami na lumabas na suot ang maiikling saplot sa aming katawan, hindi kami handa na marinig ang mga pagsitsit at pagtawag sa amin ng "Baby uwi ka na di na ko galit!" At "Ingat ka bes.".

Bakit sa tuwina'y nababastos ay ang mga biktima pa ang may kasalanan? Dapat bang sisihin sila sa pagsusuot ng maikling mga saplot? Dapat bang sisihin ang biktima? O mas dapat bang tulungan silang makaalis sa traumang hatid ng Catcalling?

Nilikha ni: Joyce Fyaa Flores