Dagat

Maganda kung pagmamasdan, malalim kung susubukan
Maalat man kung titikman, matamis kung tititigan
Lalim ng pagmamahalan, marami na ring nasaktan
Iwanan man o balikan, meron ring kahalagahan.

Naguumapaw na tubig, bumubuo sa daigdig
Masyado man tong malaki, walang balak magpadaig
Ang paglalangoy ay nais, mga bata ay nahilig
Nakakamanghang tanawin, marami ang napaibig.

Sa hiwaga'y nababalot, sa bawat hampas ng alon
Nakatira'y mga hipon, laman dagat ay nagtipon
Problema ay naroroon, sa kanila'y humahamon
Wag sayangin ang panahon, atensyon dapat ituon.

Bumababaw lumalalim, hampas sa dalampasigan
Lamang dagat ay nanahan, ito ri'y naging tirahan
Bawat bagay may dahilan, yan ang laging tatandaan
Ang dagat ay kayamanan, hindi dapat kalimutan.