Garmi ki chhuttiya hote hi
Hum chal dete the nani ke ghar
Ya hmare hi ghar aa jate the
Bhaiya, didi bua ke sang
Hoti thi mastiyan
Lagte the hasi thahake
Jamti thi mehfil,
Ek akshar se gana ga ke
Vo bachpan tha jo khush tha
Apni hi khel me mashroof tha
Na khabar thi ki jawani aayegi
Sath apne ye khusiyan bhi le jayegi
Phir na apno ka sath rahega
Na garmi ki chhuttiyon ka intezar rahega
Zindagi jeene ke liye zindagi se bhagte rahenge
Pariwar ke liye pariwar se hi dur rahenge
Ab waqt kuch yun ho gya hai
Ki Garmi bas ek mausam hai
Aur chhuttiyon ki kya bat kahen
Vo to bachpan ke kisso me ghum hai