Hai nari vo, Hai shakti vo,
Hai Bhakti vo, Hai Mukti vo.
Hai komalta ka sar vo, Hai mamta ka bhandar vo,
Hai moh ki surat bhi vo, Hai tyag ki murat bhi vo
Hai Saraswati si gyani vo, Hai Lakshmi si dhanwani vo,
Hai Kali ka prakop vo, Hai durga ka ek roop vo
Hai Shrishti ka shrijan bhi vo, Hai papiyon ka ant vo
Hai ghar ki ek jaan vo, Hai manavta ka abhiman vo
Hai shehar, gram, desh vo, Hai bhoot, vartaman, bhavishya vo
Hai ardhaangni ka pyar vo, Hai behan ka sneh bhi vo
Hai saheli ka sath vo, Hai beti ka vishwas vo
Hai koyel si mithi boli vo, Hai zarurat to sher ki dahaad vo
Hai jo sab kuch vahi hai vo, Hai kuch nahi phir bhi hai vo
Story