"KA-IBIGAN"


pasensya kung nahuli ako
pasensya kung ngayon lang ang dating ko
alam kong huli na'ko
pero sumugal parin kahit malabo

pilit paring umasa
kahit alam kong wala na
sinubukang ayusin pa
pero mukhang ayaw mo na

at ayun na nga
bumitaw kana
heto ako at walang magawa
kundi palayain ka

salamat sa lahat
sa mga pagod at puyat
para lang maibigay lahat
alam kong mabigat
kaya salamat sa lahat

sana sa konting oras na nakasama mo'ko
napasaya ko ang tulad mo
mga pangarap na tayong dalawa ang bumuo
sana matupad parin kahit di na ako

ngayon, babalik tayo sa una
noong wala pang problema
noong kahit tayong dalawa lang ay okay na
noong kaibigan lang ang turingan sa isa't isa

mananatili parin kahit masakit
masaya ako dahil kahit konti walang galit
ngingiti parin kahit pilit
maghihintay nalang na mawala ang pait

ibahala nalang sa Itaas ang lahat
at maghintay nalang kung ano ang nararapat
kung muling maramdaman mo na ako sayo'y sapat
pakiusap, muli kang magtapat

pero kung hindi na
nandito parin sayo'y mag papasaya
at may isang hiling lang sana
isipin mong kahit minsan sayo'y may nagpahalaga

siguro nga tama sila
pinagtagpo pero hindi itinadhana
mananatili parin kahit wala na
pero bilang kaibigan na