Kape

Dahan-dahan ako sa paghigop ng mainit na kape,

Nilalasap ang bawat timpla at lasa nito, hay grabe.

Ibinaba ko ang aking tasa,

Natulala bigla at tila'y naalala

Naalala ko ang init ng ating pag-iibigan

Pag-iibigan na akala ko'y pang hangganan

Pag-iibigan na inakala ko'y hindi mahihigitan

Ngunit ang lahat ng ito ay akala lamang

Ang pag-iibigan nating dalawa ay tulad ng kape na ito,

Mainit sa una datapwa't manlalamig din pala sa dulo.

Pilit ko ng ubusin ang nalalamig na kape ko,

Dahil alam ko sa sarili ko,

Mainit ko mang muli ang bagay na nanlamig,

Pero ang dating timpla nito ay hindi na maibabalik.