Kumusta?

Parang tayo'y tanga
Nag aantay kung sino'ng mauuna
Sabik kausapin ang isa't-isa
Ngunit malaking kawalan pag ako'y nauna.

Ang gusto ko kasi sana,
Ako ang lagi mong susundan
At ikaw naman ang lagi kong sasaktan
Mataas ang noo ko't walang kababawan sa katawan.

Habang ika'y tinuturuan ako,
Pahalagahan at paminsan nama'y matakot kumawala sa'yo.
Hinihintay na humingi ng pasensya sa'yo
At iparamdam sa'yo na takot din naman ako.

At sana'y sa paghihintay na ito
Maalala natin ang mga sandaling kinikilig pa tayo
Mga simpleng salita na animo'y isang pelikula
Na tayo ang bida at hindi nila mapaghihiwalay pa.

Isang kumusta lang,
Maibabalik muli 'nun ang ligaya mula sa unang pagkakilala.
Isang balita lang,
Magsasalita ng kusa ang puso nating dalawa
At mga mata nati'y magkukusang kumislap habang tinititigan natin ang isa't-isa.