Leher

Na jaane kaha hai mera safar..

Samundar ki main toh hoon leher..

Iss safar ke dauraan mann me ek sawaal aata hai..

Safar kabhi anjaana kyun hota hai?

Apne saathiyon ke saath kahi na kahi nikal padti hoon..

Aur kabhi kabhi dusre lehron se ladti hoon..

Aisa kyu? Ye ajeeb halaat hi toh mujhse na jaane kya karne lagwaate hai..

Aur inn bhid me khud ki pehchaan par ek sawaal paida karte hai..

Kinaaron tak jaa kar kya haasil karungi me? 

Shayad yahi ki kaha jaana hai iska jawaab paungi main.

Iss manzil tak pahuchne ke liye main waqt ke pahiyon se karungi aamna saamna..

Ye dooriyon ko mita kar,uss paar jaa kar unhi insaano se hoga mera milna..

Unki zindagi ka bhi yahi afsaana hai..

Shayad mere hi intezaar main mujhse mil kar ye unhe bhi mehsoos karna hai..