Mag-Ina (hango sa isang Greek myth)

I.

Nung unang masilayan ni Jocasta ang binatang si Oedipus,

Bakit may pag-ibig sa aking puso na tila hindi ko naramdaman,

mula nung pina-alis namin ang sanggol

na may sumpa ng kamatayan?

Nung unang makita ni Oedipus ang reyna,

Bakit tila nakilala na kita sa isang dating buhay,

Na naramdaman ko na ang

ng iyong pagmamahal?

II.

Oedipus,

Ang pumigil sa halit ng Sphinx.

Tagapag-ligtas ng kaharian ng Thebes.

O Oedipus, may hari pa ba,

Na makakapantay sa iyong kapangyarihan?

III.

O propesiya! Tadhana na walang awa!

Ang anak mismo ang pumatay sa amang hindi nakilala.

At nang lumabas ang katotohanan...

Kinitil ng ina ang sariling buhay.

Niyakap ni Oedipus ang bangkay,

Ng Ina’t asawa. Ina’t kasintahan.

Ang sinapupunan kung saan ako nagmula.

Mga kapatid ko pala ang sarili kong mga anak!

Oedipus, may ibang hari pa ba,

Na makakapantay sa iyong hinagpis?