Mahal ko

Tamis ng 'yong ngiti'y nagdala ng kasiyahan

Dulot nito sa puso ko'y saya't kagalakan

Iyong mga kamay aking mahigpit na hahawakan

Papunta sa mundong tiyak na walang hangganan

Ika'y aking ihahambing sa munting Prinsesa

Presensya mo'y nahahawig at tila mala Diyosa

Ako ang iyong Prinsipe, na kahit walang Kalesa

Pangako ko sayo mahal na ika'y hindi magdudusa

Hamak lamang ako'y isang karaniwan na tao

Magarang palasyo ay hindi ko maipapangako

Sambit ng aking labi ay ang salitang paano?

Subalit natitiyak ko'y damdamin 'di mabagbago

Ito ay inaalay sa iyo ng buong aking puso

Ikaw at ako sa ating munting simpleng mundo

Pag-ibig mo lamang ang aking tanging gusto

Tulang ito ay para lamang sa'yo  o mahal ko