Main Tiranga, dekho phir tumhe yaad aa gya,
Tumhare social media par ek din ke liye phir se cha gya.
Are main wahi hun jisko tumne lal batti ki gaddiyon me dekha hoga
Ya kisi neta ne hath me vote maangte hue pakda hoga
Ha meri hi shaan ke liye shahid hue the sare tab,
Khelne ki thi umar unki mere liye mite the sare jab.
Apne seene par goli kha kar koi fakr se so gya,
Koi bhagat singh ki tarah haste hue mere liye duniya se kho gya.
Kya khob hai ye pyar tumhara jahan tum ho bat gye,
Jati, bhasha ke naam par bas mar gye ya maar gye.
Tum aaj mubarakh din samjh kar mujhko le kar ghumoge,
Kal tarikh badalte hi mujhko sadko par fekoge.