Pangakong Kumupas

Wasak man ika'y minahal,

Pagod ma'y ipinaglaban

Ngalan mo'y sambit sa dasal

Ngayo't maging nakaraan.

Pipi't bingi ika'y daig

Walang pantig na masambit

Walang ingay ang daigdig

Ngunit puso'y umaawit

Gulat na lang nang magtapat

Sabay hawak sa'king kamay

Inakalang ako'y sapat

Habambuhay na karamay

Ngunit tinig na matamis

Ay binalot na ng pait

Napuno na ng hinagpis

Ang yakap na pagkahigpit

Matatag na naghihintay

Sarili'y pilit nilibang

Nalimutang hindi tunay

Pangakong sa tinta lamang