Pasensya

Hindi ko alam kung paano ko ito uumpisahan
Dahil una sa lahat, ito ang aking kauna unahang tula
Na ibabato ko sa harap ng madaming tao
Na nagpapatungkol sa iyo

Sa unang tingin ikaw ay misteryoso
Ni hindi umiimik, hindi kumikibo
Ang kuryosidad ko ay tumaas at biglang nais kang makausap
Habang lumalapit sa iyo, ako ay bumubulong "Lord sana wag niya akong iisnob"

Pero napahinto ako at bumalik na lang sa aking upuan
Hindi ko kinaya ang atmosphere at bigla akong inatake ng kahihiyan
Dahil bigla kang lumingon sa akin habang ako ay papalapit
Naramdaman ko ang tyan ko na biglang pumilipit

Ngunit hindi nagtagal ang hiling ko ay biglang nakamit
At hindi ko inaasahan na ikaw pa ang unang lalapit
Sa sobrang saya ko, ako ay napakapit
Sa posteng nakatayo malapit sa akin

Hindi nagtagal tayo ay naging magkaibigan
Palaging magkasama at nagkwekwentuhan
Pero pasensya ka na, masyado ata akong nadala
Nahulog na ako, pasensya na tanga lang

Ngayon alam kong umiiwas ka na
Pero pasensya sa aking nagawa
Sinubukan kong di na isipin ang aking nararamdaman
Para maipagpatuloy ang ating pagkakaibigan

Pasensya na kung nilagyan ko ng malisya ang mga pagtingin mo sa akin
Pasensya na kung nilagyan ko ng malisya ang bawat pag uusap natin
Pasensya na kung nilagyan ko nv malisya ang bawat oras ng pagsasama natin
Pero wag kang mag alala, iyon ay akin nang lilimutin

Maisalba laman ang pagkakaibigan natin
Lahat kaya kong gawin
At alam kong di tanggap sa lipunan ang aking damdamin
Kaya nga ito ay akin ng lilimutin, aking pipilitin

Pero Lisa gusto kong humingi ng tawad
Ang mahulog sa iyo ay hindi ko sinasadya
Wag kang mag alala, ako ay didistansya muna
Upang malimutan ang aking maling nararamdaman.