Reverse

Umiiyak ka na naman. Bakit ka ba kasi nagpapakatanga sa lalaking 'yan? Masyado kang hibang sa kaniya. Nagmumukmok ka na naman. Iniisip mo kung paano mo ipapaglaban ang relasyon niyong kaniya nang sinukuan. Napakasakit makita na ang mga mata mo'y lumuluha para lang sa kaniya. Tumigil ako't napaisip. Nagmasid sa paligid at nagbalik din sa 'yo kaagad. Iiyak na naman ako. Bakit ba kasi ako nagpapakatanga para sa 'yo? Masyado akong baliw sa 'yo. Magmumukmok na naman ako. Patuloy kong iisipin kung paano ko ipaglalaban ang nararamdaman ko para sa 'yong hindi mo naman nalalaman. Napakasakit na maintindihang ang mga mata ko’y ikaw na naman ang luluhaan.