SA UNA KA LANG MAGALING

Malinaw pa saking isipan nung una tayong magkausap

Naalala ko pa ang mga pangako mong "ako lang wala ng iba"

Mga matatamis mong salita galing sayong labi

Na hanggang ngayon sa  tuwing naalala'y nagbabalik

Tumagal ang ating pagsasamahan na hindi kumukupas

Dumaan ang ilang araw,linggo,at buwan ng mainit na pagmamahalan

sa tuwing meron akong problema ikaw ang unang sinasandalan

Sa bawat araw na dumadaan kinukuha mo ang lahat ng aking oras

Mag iisang taon, Magiisang taon

Nagbago ang iyong mga kinikilos  bago tayo mag isang taon

Di ko na alam ang gagawin kaya't napagdesisyon ko na lang na ika'y hintayin

Hintayin? oo hihintayin kita. Hihintayin kitang mahalin muli ako

nung nanlamig ka alam ko ng Wala ka ng nararamdaman

Wala na, Ubos na, Sawa kana sa mga binibigay ko sayo

Mga oras na dapat ginugugol ko sa mas makabuluhang bagay

Pero hindi nag atubiling mga oras na yon sayo na lamang ibigay

Sino kaba para puso ko gawing malungkot?

Naalala mo pa ba kung pano tayo nagsimula?

mga pangako mong ngayon pinapako mo na?

mga salitang sinambit mong hindi muling maririnig

 Wag mo ng alalahanin kung bakit wala nako dyan sa iyong tabi

Kinulang ka lang naman, oo kinulang ka

Kinulang ang mga pangako mo ng salitang pagtupad

Kung alam ko lang na ganyan ang gagawin sana hindi nako naniwala

uunahan na kita, ayoko na, Itigil na natin to

Sa ngayon masasabi kong hindi ko kakayanin na wala ka

Pero pagdating ng tamang panahon masasabi kong tama ang pinili ko

Dahil ayokong makasama ang taong sa una lang magaling