Sarili ko’y hinayaang manatili
Hindi na nagawa pang mamili
Pagkakaalam ko, ito’y sandali
Ako pala ay nagkakamali
Mga alaala nati’y hindi na mabilang
Tulad ng mga bituin sa kalangitan
Tila walang sawa ang pagkinang
Kailanma’y hindi magiging kulang
Sa paglapit mo, ako’y di aatras
Ibang pagkilos mo’y pansin nang madalas Pinaparamdam na tila walang bukas
Hindi hiniling na magkaroon ng wakas
Hanggang isang araw
Iba ay aking natanaw
Pagtatapos ay aking nadama
Nang nakita kang iba ang kasama
Ako’y pinasaya sa isang saglit
Maya-maya ngiti ko’y nawaglit
Kay bilis naman akong ipagpalit
Natitirang oras ay sa iba isinulit
Tuluyang naiwan na mag-isa
Ako’y nawalan na ng pag-asa
Nakayanan kong mapag-isa
Pinapanood kang mahulog sa iba
Ako’y hindi tuluyang nilisan
Sarili mo’y pinuno ng kasiguruhan
Na kailanma’y hindi kita aatrasan
Kahit ako’y hindi mo pasan
Alam mong pipiliin kita
Gayong ako’y hindi mo makita
Para sa iyo’y magiging masaya
Itong saglit ay malapit na ang paglaya
Tadhana ay hindi nagkakaila
Siya’y nasa tamang pila
Aking ibubulong sa mga tala
“Mali ang kaniyang inakala”