Sana'y Pansinin Mo

Hindi ko man madalas sabihin
Pero sana'y yung mapansin
Sabik ako sa'yong atensyon
Na kahit sana kunti ay mayroon

Ang pagiging malaya ay aking karapatan
Pero babae rin ako at dapat alagaan
Okay lang naman na ako'y iyong payagan
Pero sobra naman yata na hindi mo na ko pinagbabawalan

Shorts na nga, shorts pa
Hindi mo ba nakikita?
Pagbihisin mo naman ako
Gusto mo bang ganito ako masilayan ng mga tao?

Sa tuwing lumalabas ako sa gabi,
Hindi mo lang ba ako pagsasabihan?
Kadalasan nga ay late na kung makauwi
Ikaw pa ba'y may pakealam?

Kapag ako'y may kasamang ibang lalaki,
ikaw ba'y may kakaibang nararamdaman?
Sa shorts ko ngang sobrang ikli,
Wala ka man lang balak papalitan

Kapag ako'y lumalabas ng bahay,
Di mo man lang natatanong kung saan ang aking patutunguhan
Kung umasta ka'y wala lang
Pagmamalasakit mong kulang na kulang

Di mo man lang matanong kung kumain na ba ako
Di mo man lang ako mayaya ng "Kain tayo"
Minsan napapaisip na lang ako
Sino ba talaga ako sa'yo

Sinasadya ko na ring magpakawala minsan
Umaasang mapansin mo rin kinabakukasan
Para naman maramdaman ko kung paano mapahalagahan
Kung paano ba yung pakiramdam ng tunay na minamahal