Tama Na

Ayoko munang umibig
Baka ako'y muling malunod sa isang tubig

Mga luha kong nagmistulang mga alon
Sa pagbalik ng hampas ng masalimoot na kahapon

Nakakapagod nang umiyak
Puso'y nananatili pa rin sa ere na tila ba wala ng mga pakpak

Naghihintay kung saan ito dadalhin ng hangin
Baka sakaling maging masaya ang pusong minsang inalipin

Nakakasawang umasa
Sa pagbigkas mo ng mga pangakong hindi lang isa

Sa pagpaparamdam sa akin ng kakaibang emosyon
Muntik nang maniwala, wala nga pala tayong relasyon

Nakakabingi ang pagbigkas mo ng salita
Para bang isa kang matapang na makata

Sa mga simpleng salita, akoy napaniwala
Di akalaing puso ay tuluyang mawawala

-please click 'recommend' people of the Philippines💗-