Titig

Para kang kape

Hindi. Matindi ka pa sa kape

Kung makapagpatibok ng pusong ito

Sa bilis ay ayaw na huminto

Di malimot ang ilang sigundo

Ikaw. Ako. At ang memoryang silyado

Sa kalagitnaan ng katahimikan

Sabik kang lapitan

Dinig ko ang nakakabinging bilis na pintig

Sana di na natapos ang mga titig

Mali. Tapusin na natin ang mga titig.

At sambitin na ang mga gustong sambitin ng bibig

Kala ko ay sapat na ang mga titig

Pero mas sabik pala ako sa iyong tinig

Kapag ika'y lumalapit parang ako'y nagugulat

Ngunit ang totoo ay lahat ng yapak mo ay parang sa aki'y nakaulat

Sa malayo pilit kang minamasdan

Sa malapit ay di na alam pano ka iiwasan

Tigilan na natin ang tagutaguan ng nararamdaman

O baka nmn pigilan ko na ang AKING nararamdaman

Ang akala kong mga titig na may dalang kilig

Sila pala ay titig na walang tinig

Tinig lang pala ng sariling pintig

Nabulag sa inaakalang saakin nakatitig

Tapusin na natin ang mga titig

Tatapusin ko na ang mga titig.