Tula Para sa mga Naiwan mula sa Nang-iwan

Ang hirap din kasi kapag ikaw ang nang-iwan
Lalo na kapag hindi ito naaayon sa iyong nararamdaman
Hindi mo alam kung ito ba'y may patutunguhan
O mananatili na lamang na isang desisyong labag sa iyong kalooban

Mahirap, kasi hindi mo na nga ginusto
Kailangan mo pang panindigan
Mahirap, kasi hindi ito ang iyong nakasanayan
Pero ito ang nararapat at kailangan

Patawad sa aking mga naiwan
Hindi ko gustong pabigatin ang inyong
mga nararamdaman
Ang gusto ko lang nama'y huwag tayong mahirapan
Lalo na kapag dumating ang oras na hindi na tayo nagpapansinan.