Tulang Para Sayo

Bakit ganun? Pilit kitang kinakalimutan sa aking utak
Ngunit kahit anong panglilimut, sa puso ko ikaw parin ay nakatatak
Nang dahil sayo ang aking mga luha ay di tumigil sa pagpatak
Dahil itong puso ko ay sinira mo at ngayon it ay watak watak.

Lubayan mo aking diwa, ako ay nagmamakaawa.
Tama nga sila na ang pag-ibig ay sadyang nakakahawa.
Dahil kahit ang puso ko na naghahabol, sa sakit ay hindi nagsasawa,
Pero sigaw ng aking isip, "Tama na! Kailangan mong bumitaw na,"

Paano akong nabihag sa isang tulad mo?
Sa isang tao na mapagpanggap at dakila na tuso,
Bakit sobrang tanga ko para sayo ay magpaloko,
Ikaw na dahilan sa mga tumubong tinik sa aking puso.

Ngayon alam ko na, kung gaano sumakit ang umibig,
Kung ano ang ibig sabihin ng "tulak ng bibig, kabig sa dibdib,"
Dahil kahit ilang beses kong sabihin na ang puso ko ay may iba ng pinipintig,
Ang imahe mo parin ang nakatatak sa aking isip.