Una.
Ito ang unang tula at simula
Sisimulan ko ang isang daang katha
Ang bawat salita ay magiging isang panata
Panatang sisimulan ko dahil sa pag-ibig ko sayo
Hindi man ako sigurado kung mababasa mo ito
O maririnig mo ang mga salita ko para sayo
Ngunit hinihiling ko parin sa hari ng mundo
Na ang dating ikaw at ako
Ay maaari pang maging tayo
Hindi ko mabatid ang lugar ko sa puso mo
Hindi ko mahanap ang nawawalang pag-ibig mo
Kung nandiyan siya, nasaan ako?
Ang lahat nga ba ng noon ay isa lamang laro?
Unang beses ko lang pinag-isipan kung isusulat ba ang tulang ito
Sapagka't tila may pumipigil at nagpapalito
Sa relasyong hindi ko mapagtanto
Kung meron ba o wala talagang
tayo...