Unang Dekada

Unang dekada

Teka ilang taon na nga ba?

Sampu. Kaya nga dekada di ba?

Sabi ko nga, sampung taon na mula nung lumisan ka

Unang dekada

Ngunit mga alaala moy sariwa pa

Mga tawa mong nakakadala sa tuwing nanonood ka ng komedya

o di kaya'y t'wing palpak si Goku at nagmumukhang tanga

Unang dekada

Naalala ko pa tuwing tumutulo ang laway mo sa kakatawa

Sa tuwing umuuwi ako galing eskwela at dragonballs z ang pinapanood mo sa sala

At mamamatay ka na sa kakatawa

Unang dekada

Unang dekada na wala kaming kawrestling ni janjan sa kama

Unang dekada na walang nagsasabing "oy matulog kayo at tanghali na"

Unang dekada na walang mabibigat na binti at paang nakadantay sa amin upang di namin matakasan ang utos mong matulog na

Unang dekada

Teka naalala ko pa pala

Sa twing nagwawala ka kasama ang gitara

At walang humbay ang pagsabay sa mga kanta ng parokya

Kaya nga nakilala ko si buloy di ba? 

Maghapon mo kasi syang kinakanta

Unang dekada

Oo yung maskara mo nga pala

Andito nakatago pa

Alaala ng kakulitan at panggugulat mo sa mga ate pag seryoso na sila

Unang dekada

Tanong naming lahat, kung andito ka kaya may asawa ka na?

Haha, Siguro meron, siguro wala

Di rin namin mawari kasi nga, gwapo ka

Unang dekada

Unang dekada na andyan ka sa langit at wala dito sa lupa

Enjoy ka lang dyan ha, Kuya,

Huntahin mo silang lahat na sigurado naman akong mamahalin ka,

Sa galing mo ba namang makisama, eh di ikaw na!

Unang dekada

Sa unang dekadang wala ka man dito sa lupa,

Mananatili ka naman sa mga puso namin at diwa

Wala na rin akong masabi pa kundi,

"We Miss You Kuya!"