Uss raat akele mujhko pa kar jab tumne sharm ko feka tha
Mere jism ke har ek kone ko dekh tumne aankh ko seka tha
Main nahi thi tumhari ma behan magar main bhi to ek jaan thi
Are kisi ma baap ke aangan ki ek pyari si muskan thi
Jo tumne tak lga kar ke mujh par hath tatola tha
Apni pyas mitane ko mere kapdo ko khola tha
Kya yaad hai tumko maine hath jod kar tumse tab ye bola tha
Ke chor do mujhe maine chikh chikh phir ye bola tha
Kitna roka kitni bhagi main bebas nahi majbur thi
Abla, kayar ya dari nahi uss sannate me main shor thi
Roka tumko, toka tumko tumne na phir ek bat suni
Kise bulao pukar lagaun main thi ajeeb soch me padi
Na lakshmi na saraswati maine kali ka phir roop liya
Aur mahishasur ki tarah hi durga ban tera nash kiya
Tu dara sehma sa bhag rha ye dekh uss waqt main bhut hasi
Jo zakhm aatma par diya tune vo takat ban mere sath chali